काठमाडौँ। बंगलादेशमा आरक्षणको विरोधमा भइरहेको प्रदर्शनका कारण केही नेपाली विद्यार्थी स्वदेश फर्किएका छन् भने केही फर्किने क्रममा छन्। बंगलादेशका लागि नेपाली राजदूत घनश्याम भण्डारीले भनेका छन् कि अहिले बंगलादेशमा अवस्था सामान्य हुँदै गएको छ, र आत्तिएर स्वदेश फर्किनुपर्ने स्थिति नरहेको छ।
राजदूत भण्डारीका अनुसार:
आन्दोलन जारी रहेका कारण कर्फ्यु लागेकै छ, इन्टरनेट र फोन सेवा बाधित छन्। बंगलादेश सरकारले केही दिनमा समस्या समाधान हुने बताएको छ। नेपाली विद्यार्थीहरूलाई सावधानी अपनाउन र सकेसम्म होस्टेलभित्रै बस्न सुझाव दिएको छ। अत्यावश्यक कामबाहेक बाहिर ननिस्किन र साथीभाइसँगै बस्न आग्रह गरिएको छ। नेपाल फर्किनेहरूलाई दूतावासले सहजीकरण गरिरहेको छ तर आत्तिएर फर्किनुपर्ने स्थिति छैन। बंगलादेशमा रहेका सम्पूर्ण नेपाली विद्यार्थीहरूका कलेजसँग दूतावासको नियमित सम्पर्क छ। हालसम्म करिब १३०० विद्यार्थी नेपाल फर्किसकेका छन् भने अरू सहज अवस्थाको पर्खाइमा छन्। नेपाल आइसकेका विद्यार्थीहरूले आफ्नो कलेज सुरु भएपछि आफैँले समन्वय गरेर फर्किन सक्छन्। बंगलादेशका सरकारका विभिन्न मन्त्रालय र अन्तर्राष्ट्रिय संघ संस्थासँग दूतावासको नियमित संवाद जारी छ। कलेजहरू बन्द रहेका कारण केही विद्यार्थीहरू नेपाल फर्किएका छन् र केही बंगलादेशमै बसिरहेका छन्। विद्यार्थी बाहेक अन्य नेपालीहरू पनि सुरक्षित छन् र नियमित आफ्नो काम गरिरहेका छन्। राजदूत भण्डारीले नेपाली विद्यार्थीहरूलाई नआत्तिन र स्थिति सामान्य हुने पर्खाइमा रहन आग्रह गरेका छन्।
यहाँको अवस्थाका कारण कलेजहरू बन्द छन्। जसले गर्दा विद्यार्थीहरू आफ्नो हिसाबले नेपाल जान खोज्नुभयो। त्यसलाई हामीले सहजीकरण गरिरहेका छौँ। यहाँ जति पनि हुनुहुन्छ, सबै सुरक्षित नै हुनुहुन्छ। मेडिकल साइन्स लगायतका विषयमा गरेर २ हजार ५०० को हाराहारीमा नेपाली विद्यार्थी छन्। तीमध्ये एक हजार ३०० भन्दा बढी फर्किनुभयो। लामो समय पढाइ नहुने भएकाले उहाँहरू फर्किनुभयो भने केही यतै बसिराख्नुभएको छ।
विद्यार्थी बाहेक अन्य नेपालीहरूको अवस्था पनि सामान्य छ। उनीहरू नियमित आफ्नो काममा छन्। अरू सबै नेपाली विभिन्न अन्तर्राष्ट्रिय संघ संस्थामा काम गर्ने हुनुहुन्छ। कतिपय कार्यालय बन्द छन्। जसले गर्दा घरबाटै काम गरिरहेका छन्। उहाँहरूको सुरक्षा खतरा केही छैन। तर पनि दूतावासमा सूचनाका लागि सम्पर्क गर्नुहुन्छ र हामी उहाँहरूलाई सोही अनुसार सेवा दिइरहेका हुन्छौँ।
सूचना स्रोत: रातोपाटी
